خذني اليك

خذني اليك
افتقد الهواء لاني افتقد رؤياك
الحنين يهفو شوقا الي عيناك
ايها الغريب القريب
افتقدك وافتقد ذكراك
ملامحك ترتسم بمخيلتي ليلا
كلماتك تتردد في اذني دوما
انت معي وان كنت بعيد
فهل لبعد المسافه حساب بين العشاق
اتحسسك في الطرقات
في الضحكات
في الانات
علمتني ان احيا ولم تعلمني ان انساك
افتقدك ايها الغريب
كيف لي ان احيا بدونك
ولكنك معي
نعم معي
احملك بين نظراتي
بين كلماتي
بين امالي وطموحاتي
وان يراك العالم مذنب
فعندي انا انت برئ
كيف يحكم من لم يعرفك
من لم يفهمك
من لم يسمعك
من لم يعشقك
اهذه الرقه معي فقط
يالك من قلب كبير
ومخادع كهل وصغير
افتقد ان تذيقني قهوتك
كم هي مره
مراره العسل من يديك
وحدك تملك ابتسامتي
وحدك تمحي دمعتي
وحدي لن انساك
يدك الكبيره لتصافحني
وجهك الضاحك برؤيتي
عينك الصغيره الثاقبه
قلبك الكبير كموج البحر
ليتك تبقي امامي الي الابد
ليتك تظل بجواري
تحميني من نفسي
لم يتحملني غيرك
لم يفهمني غيرك
ولم ارتاح مع غيرك
فلن انساك
لانك بداخلي
بكياني
وان لم القاك
فانت معي تلقاني
وما لبعد المسافه قدر
بين عاشق معك الي القبر
كنت شيطان مع الجميع
وملاكا معي
ملاكي الكبير
لماذا اراك صغير؟
قلبك مازال به نقاء
افتقدك واحتاجك قربي
احتاج حضنك الدافئ
خوفك عطفك حبك
احتاجك واشتاق لك
ولذلك لن انساك
لانك في دمي كالماء
ولقلبي وعقلي دواء
وان تتركني فما حاجتي للبقاء؟
ما حاجتي للبقاء؟

ياعاشق النساء..

نظرت في عينيك فارتعشت
فانت ذئب وهذا ما رئيت
كنت كالاسد بين الحملان
لكنني ابدا ما تصورت
ان تخلع ثوب غدرك بين يدي
ان تؤمن بي منذ سلمت علي
ان تغرق اشرعه سفنك امام شواطئي
وان تتحطم جيوشك عند اسوار مدينتي
رفعت رايتك البيضاء وليتك ما فعلت
وسلمتني مفاتيحك لاعبث بك
وما تصرفت انا الا كما انت تعودت
لانتقم من ذمب لم تقترفه بعد
فصرت اتلذذ بتعذيبك واناتك
واتخيل كيف جرحت اخريات
تحت مسمي العواطف واللذات
فصرت اجني عليك بيدي
واكسر احلامك كزجاج متطاير
وادمرك الي الاف القطع متناهيه الصغر
وطالما انتظرت منك التمرد والتزمر
فلم اجد سوي الرضوخ والاذعان
رئيت الاسد حمل وسط القطيع
تركتني افعل بك ما اشاء
وكلما زدت في قسوتي
ذدت انت في محبتي
كلما جرحتك طيبت جروحي
انتظرت مبررا لطغياني عليك
فلم اجد
ولم ارحمك ولم ارحم ضعفك
ولم ارحم استعطافاتك
كنت كالصخره المندفعه من علي جبل شاهق
تماديت في الاندفاع الي ان وقعت وتحطمت
وقعت في حبائلك وقعت في ضعفك واسترحامك
دموعك التي طالما حلمت برؤيتها
اصبحت تسقط منك لتحرقني
وتؤلمني في ليلاتي
لقد سقطت انا في حفره حفرتها لك
لقد اذيتك بكل ما املك
وفي النهايه انا تأذيت
لطالما سخرت منك ومن ضعفك
لكني عندما احببت ها انا ضعفت
انا الفتاه الجاحده لحبك
ها انا انسي ما مضي
واجلس بين يديك
فقد وجدت ان الحب غيرك
ولم تعد هذا الذئب الذي رئيت
فياقلبي الممزق برؤيتك
عندما يذكر ما بيدي عليك جنيت
فهل لك ان تسامحني
وان تنسي ما فات كما انا نسيت
فليس هناك جرح جديد ولا هوان
ولن تجد الا الحب الذي طالما تمنيت
فاليوم ليس لك الا قلبي انا بيتا
بعد ان كان لك الف بيت..........

صاحب البغبغاء

عندما راه للمره الاولي شعر انه سيكون صديقه الحميم انه طفل وحيد ومنطوي يشعر دوما بالحمق عندما ينطق يري الاخري يرمقونه بنظرات بائسه كأنهم يتسالون من هذا الطفل الاحمق؟
رئي في هذا الطائر القابع في القفص كائنا ضعيف مثله يمكنه البوح له بما يشعر دون ان يخشي ان يحطم معنوياته كما يفعل الاخرون حتي دون ان يتكلموا فنظراتهم وحدها كافيه ان تحطم اجمل المعاني لدي هذا الصغير .
طلب من ابيه ان يحضر له هذا البغبغاء وليس سواه ففي عينه حزن دفين انه بغبغاء ناطق ولكن لم يكن يتكلم كأنما اثر الصمت كالطفل الاحمق ولم يستطع ابيه الا ان يوافق فقد كان يري ابنه حزين ولا يعرف السبب
اول ليله له مع الطائر الحزين وكأنما يؤنس احداهما الاخر بحزنه الدفين يريد كل منهما ان يشارك الاخر في سبب تعاسته ولاول مره تحدث الطفل للبغبغاء واخبره انه يظن ان الجميع ينظروا اليه كأحمق انه لا يجيد التصرف ولا يجيد الحديث انه وحيد بدون اصدقاء ياله من طفل تعس
استمر الطفل يروي الحكايات لطائره الجديد ويعتني به الي ان حانت اللحظه ونطق الطائر لقد قال انا احمق فاستعجب الطفل اهذا هو احساس الطائر ام انه ينقل ما يسمعه من الطفل واستمر الطائر يكررها حتي مل الطفل وشعر ان حتي اقرب كأن اليه يوبخه
ذهب الي ابيه اليوم الثاني واخبره برغبته في التخلي عن الطائر انه يريد بيعه فاستغرب الاب لموقف ابنه فهو لم يبق معه الا ايام قليله وساله عن السبب في هذا التحول فلم يجب الطفل سوي بعباره واحده اذهلت الاب
لقد قال له انه مجرد بغبغاء لكنه لم يخشي ان يعترف بأنه احمق اما انا فقد فشلت حتي في المحاوله ؟
عندها قال الاب ولكنك لم تكن بوما احمق بل فقط طفل حزين وبلا سبب عندها ابتسم الطفل وقال اذا اخفيت انت عني الحقيقه لانك ابي فلن يخفها عني طائري الصغير لانه صديقي الوحيد ..............

في زمن العبوديه

تشعر دوما ان يدها مغلوله امامه ولا تعلم ما السبب انه اشبه بالمعبود لها حاولت مرارا ان تفلت من قبضته ولكنه يضيع محاولتها هباء انه يستنفذ قواها فيتمكن من السيطره عليها لم تعد كالفرسه الجامحه التي عرفها في البدايه اصبحت قواها تخور بمجرد نظره عابثه منه شكل حول عقلها مجالا مغناطيسيا لا يمكنها النفاذ منه الا اليه. انها القدره علي التحكم في الاخر ؟.
يوما رئيتها تقف امام المراه انها حقاه فتاه جميله ولكن ثقتها بجمالها رحلت منذ ان اتي هذا المعبود ليستغلها ويسيطر علي خيوطها وكانها عروس خشبيه ويجعلها دوما تشعر انها سوف تهوي بدونه انه لا يشعرها بمدي كونها جميله ولكنه في الحقيقه كان يدممها امام نفسها حتي تكون دميمه امام الاخرين فبداخله هوو الاخر هاجس يخشي ان تتركه عندما تدرك مدي جمالها وقبحه فتنتهي فتره تعبيده.
ولكنها كالمدمنه علي الشراب فهي مدمنه عليه لا تري غيره انها تعبده وتري في قربه منها الملاذ من نظرات الاخرين التي طالما ظنت انهم يرونها قبيحه جعلت نفسها عمياء عن الحقيقه وجعلت معبودها يحط من كل ما فيها حتي اصبحت تعيش له لا لها
كم اردت اخبارها انه يستغلها يضعفها فيقوي يقبحها ليزيد هو جمالا ولكنها لم تكن تسمع كانه قد صمت لا تتكلم مع من سواه تكاد تكون لا تري غيره اصبحت حمقاء شديده الحمق .
حتي انني لم اعد مهتمه بتحذيرها منه ولكن ضعفها يشعرني بالاسي يجلب لي الاحساس بالذل .
اذكر اخر مره رئيتها ضعيفه رثه الثياب تبكي بشده ولكني اثرت ان اقف اراقب من بعيد بلا خطوات حتما كانت ستنصرف عني ككل مره احدثها .
هذه المره كانت مختلفه انها من الضعف بحيث لا تقوي علي السير كانت تصرخ ارجوك ارجوك لا تتركني وكان معبودها امامها ينظرا ليها نظرات احتقار وفي زراعه تتأبط فتاه جديده اخري جامحه لقد حدث حتما ما حذرته منها دوما وما لم تسمعه ابدا وانا انظر لهذا المعبود الدميم وهو يصعد وفتاته الجديده الي سيارته اتمني ان تسحقه الارض حتي يشفي غليل هذه المسكينه اذ سمعت صوت اصطدام هائل فأذا بالمسكينه قد القت بنفسها امام سيارته لتصبح ضحيه معبودها في حياتها وبعد مماتها بكامل ارادتها ووعيها لتتيح الفرصه امام الفتاه الجديده اما بالانهيار او بالانتقام ...........

الغرفه المحرمه

دخلت فأعتراني الذهول انها غرفه فارغه؟!!!!
طالما حرمت امي علينا دخول هذه الغرفه. منذ صغري وطالما تمنيت ان اري ما بها تخيلت دوما ان بها كنز ثمين تخفيه امي. انها حقا غرفه صغيره ولكنها كانت لي بمثابه الغيب ،حتي وانا منهمكه في العابي الطفوليه اجد باباها يمثل لي بابا سحريا يشدني الي ان افتحها الي ان اري الغيب الذي منعت من ان اراه .
استمرت قامتي بالطول وتوقف عقلي عن النضج عند هذا الباب امام هذه الغرفه في فترات المراهقه شعرت ان بداخلها المجهول الذي سيأخدني علي حصانه او ربما نعجته؟!! طالما حاولت ان اتناسي امر هذه الغرفه ولكنها كانت تراودني حتي في احلامي فكل ممنوع مرغوب.
ومرت سنوات طويله نسيت بها كل ما تعلقت به ولكني ابدا لن انسي وجه امي عندما تدخل الغرفه ووجها عند مغادرتها اكاد اجزم انه السبب الوحيد وراء تعلقي بالغرفه هو تعبيرات امي .
كيف لها ان تدخل مبتسمه وتخرج عيناها متورمه من البكاء
ما هذا؟ اشعر قطرات دافئه تنساب علي وجنتي انها دموع انني ابكي وبحرقه يعد سنوات طويله اعطتني امي المفتاح وكأنما تريد ان اكمل مسيره عذابها المجهول شعرت بفرحه عارمه عندما تحسست المفتاح بيدي كانه مفتاح الخلاص وعندما دخلت الغرفه لم اري فيها سوي الصمت والجمود انها غرفه خاليه حوائطها بيضاء ولكن ما هذا؟ انتظروا قليلا ... ثلاث حوائط خاليه اما الحائط الرابع فعليه ابي في (اطار) انها صوره ابي لقد فارق هذا البيت وهذه الحياه لكن امي قررت ان تبقيه في هذه الغرفه وكأنها احتفظت به لنفسها لتشكو له وتؤنس وحدتها به وهكذا اكملت انا رحلات امي الغامضه الي الغرفه المحرمه وعلي وجهي ابتسامه عند الدخول للقائي بأبي وعند خروجي دموع الفراق ولكني قررت ان اكشف الغيب وابقي باباها مفتوحا حتي يعرف كل من حجب عنه الغيب انه ابي القابع في الغرفه المجهوله او ربما لسبب اخفيته في نفسي ربما لكي يخرج الينا ابي بدلا من ان ندخل اليه .........................

ساعدني

انه اليوم كأي يوم
انا وحيده وانت بعيد
اين انت
اشتقت لك
الزمان قسي عليا
ومكفهوش اسيه فيا
مسبنيش في حالي
ولا ساب حد يحن عليا
كله نازل خبط وضرب فيا
حرام كفايه
وحشتني اوي يابابا
نفسي اشوفك
اترمي فحضنك
واقولك كفايه بعد
ارجع بقا
وشوف اتزلينا قد ايه
وشوف حبايبك عملوا فينا ايه
ولو منفعش ترجع ادعيلي
ادعي الاقي حد يكون دليلي
حاسه بالضياع
حاسه باندفاع
اعمل ايه بس
ولا اب
ولا صديق
ولا حبيب
بس ليا رب
يارب اتولدت وحيده
بس مش عايزه اموت وحيده
وفي نفس الوقت
مش نفسي ينتهي بيا الحال
كمجرد ام لقرطه عيال
بس بتربي وتعلم
والاب في طحونه شغال
لا الاب بيشوف العيال
ولا العيال راضيه بالحال
يارب ساعدني
وبحكمتك ارشدني
اروح لمين غيرك
ساعدني
ساعدني
ربي اني ضللت المسير
فهدني وانظرني بعين رحمتك
وارني فالظالمين عجائب قدرتك
ربي لا تكلني الي بشر
يارب ارحم مخلوق ضعيف
مهما كبر وعلا عقله خفيف
مش هقول اتخنقت
هقول الي ربي اتجهت
واذا يوم يأست او اخطئت
فأعني ياربي اني بك ابصرت

ارحمونااااااااااااااا

مين بيقول دا جيل خربان
مين حكم نفسه قاضي
وليه يقولوا شباب تعبان
مهم سبب في الكارثه دي
قال ايامكم سودا قال
هاتوانتوا ايام بيضه !!!
جيل بايظ رجالته عيال
مهي تربيتكواسم الله عليكوا
كل حاجه تقولو غلط
طب ورونا انتوا الصح
لبسكو ضيق ومحزق
الله يرحم ايام الكت
انتي انجري منتيش نافعه
روح يابني مانتاش فالح
ايامنا مش ناقصه سودا
ياتحلوها
ياتسكتوا
و كفايه احباط
احنا ولادكم
تربيتكم كنا في بيتكم
ليه ساعتها اتعلمتو الصمت
فجأه بقينا جيل فسدان
تقول الحق يقولك
قليل الحيا بالف لسان
هتوصلونا تاني لايه
الغلط ملناش ذمب فيه
هيا ظروفنا
حياتنا
قيودنا
قبل مكنتم علمتونا
كنتوا انتوا تعلموا نفسيكم
خدتوا الدنيا وكل مافيها
واستكترتو فرحتنا علينا
كل الخير انتم خدتوه
عشتم عصر ميجيش اخوه
كلتوا رقصتوا
لعبتوا فرحتوا
حتي الغنا كان ليكوا حلال
فجأه علينا حرمتوه
ولا الست بتقول قرأن
مهي بتغني هيا كمان
والله معاكم حيرتونا
كل اللي كنتم تتمنوه لقتيوه
ليه احنا مش قادرين
مش عارفين
بدل متقفو جمبنا وتساعدونا؟
زهقتونا وفلقتونا
انتم منتوش نافعين
يعني فلحتوانتوا التانين؟
مبفلحاتكم دمرتونا
اتحكمتو ليه في حياتنا
خدتو الامل الي فقلوبنا
ومسبتولنا غير الهم
احنا شبابنا مش عايشينه
بسببكم قال خوفكو علينا
زي متعلمتو من اخطائم
سبونا احنا نتعلم
ولما تربو انتوا صح
تبقوا تلاقو الجيل فلح
كفايه تقليل مننا
بس سيبونا ناخد حقنا
نعيش حلمنا وحياتنا
بعقلنا
بفكرنا
مش بماضيكم الابيض واسود
واذا كنا احنا ضايعين
يبقا انتم الي ضيعتونا
فينا خير كتير موجود
بس الدخل ياناس محدود
وكفايه كلام ووعود
وادولنا انتم حل بديل ؟؟؟؟

من ورا شيش بيتنا

يوم بيعدي زي التاني
ومفيش حاجه خلاص وحشاني
الشيكولا هيا الطعميه
والفاكهه طعمها سوداني
قلت اسلي نفسي شويه
فتحت الشيش ووقفت ابص
اللي رايح شبه الجاي
كله بيشرب قهوه وشاي
فجأه لقيته جاي من بعيد
شاب حليوه وشكله سعيد
تنحت لحظه واستنيت
ودا ماشي ياعيني عليه
كأنه ملك حشيته حواليه
قلت اركز معاه واشوف
لقيته بيبص لفوق فخوف
بصيت انا كدا في كسوف
راح وشي جايب الوان
وهوه شكله كان هيمان
ودخلت اجري ابص لشكلي
وقلت دا شكله جاي لاهلي
من ورا شيشنا لقيته ماشي
تحت بيتنا هدي الخطوه
انا قلت الدنيا بتضحكلي
كل ما ابص القيه يسبلي
فضلت اتخيل هيكون ايه ردي
ومين معايا ومين يجي ضدي
ولقيت الشيش بيضحكلي
وكأنه مش عاجبه شكلي
قلتله حتي انت ياشيش بيتنا
مستكتر علينا فرحتنا
لقيته فجأه قلب جماد
لا رد ولا قالي ميعاد
سبتني منه دا شيش حقود
وجريت جوه وكلي وعود
حتي مرايتي ببص لقيت
وشي سعيد وكأنه العيد
وبسرعه علي اهلي جريت
قلت اكيد هسمع اخبار
لقيته واقف قدام بابنا زنهار
فتحوا الباب وانا واقفه بطير
من جوه سمعت الصوت غاب
رحت اشوف ايه الحدوته
اتريه غلطان في العنوان
والضحكه كانت مش ليا
دي لبنت جارتنا ام حنان
هوه كان فعلا هيمان
بس في الدور اللي فوقينا
سرحانه جابه لشقتنا
يعني انت صح ياشيش بيتنا
تسبيله
ضحكته
حتي مجيته
مش لينا
سرحت فيا وفخيالاتي
يقولوا عليا ايه ياخواتي
فوقت فجأه علي زغاريط
قلت للشيش انت عبيط؟
انا اصلا مش عايزه عريس
انا نفسي بس في اطمئنان
حد احس معاه بأمان
حد حنين اوي دفيان
طلعت اجري وانا فرحانه
امي قالتلي مالك تعبانه؟
اصلها قليل ما تشوفني سعيده
لا ياماما
دانا طالعه ابارك للجيران
ربنا يتمم بالخير كمان
ولما الاقي نفسي زهقانه
اروح بسرعه عالشيش اقفله
اصلي ياشيشنا مش عايزه عريس
انا عمري لسه في اوله
انا عايزه اخ واب وصديق
مش بس حبيب انا عايزه طريق
انا محتاجه لمليون حاجه
مش لمجرد دبله وشقه
قال وتقولي جاي عريس
اما انت ياشيشنا عليك تهييس
مش هفتحك ابدا تاني
غير لما نعلق الفوانيس
رمضان قرب قلبي سعيد
مش هفضالك انا من جديد
ومش هبص منك تاني
غير في اول يوم العيد
هتوحشني لحد ساعتها
اه ياشيش بيتنا يابو العريف....

اشاره مرور ؟

اشاره مرور

صاحي مالنوم متنرفز
وهيا صحيت مخنوقه
فنجال قهوه بس بوش
هيا بتشرب عصير فريش
هينزل شغله متسربع
اخدت كشكولها المربع
اسانسيرها كان عطلان
ونزل يجري هوه كمان
الدنيا في الشارع زحمه
والجو حر والكل في لخمه
كان هيعدي الشارع شافها
وقف ................... اتسمر
وفحضنها كشكولها مسطر
بصت عالجمب التاني شافته
سرحت طبعا في حضرته
راحت تعدي وقع الكشكول
اتلخبطت وجبته علطول
وهوه كان واقف ::: مذهول
ووقفت اشاره المرور
زحمه ومتاخر بس مسرور
لا هيا عارفه تروح عنده
ولا هوه عارف ليها يروح
قال لنفسه بصوت مدبوح
دي هيا مش شايفه عنيا
وهيا قالت ايه يلفت نظره ليا
الشارع بقا بحر كبير
والعربيات مراكبه
والناس دول سمكه
وهما كل واحد علي شط
غرقان في حنينه
وهيا عايمه فاحلامها
ياتري اسمها ايه
ياهل تري بيشتغل فين
مرت ثواني بسنين
وهما لسه مكانهم متسمرين
نفسه الوقت ميعديش
نفسها الاشاره متمشيش
طب يعديلها ويسالها عن اسمها
هيا هتعديله وتقوله ايه اللي بيها
رسموا ورسموا جبال احلام
وفلحظه عم الارض سلام
وفجأه مشيت اشاره المرور
مشيت وكل واحد فيهم عبر
لا سألها عن اسمها
ولا قالتله ازاي شغلها
وكل واحد منهم فات
نسيوا امالهم في لحظات
لا قال صباح ولا ابتسم
ومحدش فيهم حس بندم
بتشوف كل يوم فتي احلامها
وهوه بيشوف اميره خياله
لا بتعرف هيا توصله
ولا يقدر هوه يعديلها
طول مهو حلم بيبقي جميل
لو يتحقق يبقي كلام
بس لامتي هيفضل يحلم
ولامتي هتبني اوهام
ياما نقابل ناس اوقات
نخسر كتير لما نفتهم
وناس خسرنا معاها حجات
عشان يادوبك نعرفهم ؟
وعدت اشاره المرور
وعدت معاها الذكريات

سامحيني يابلدي

مش باقي فينا ولا حتي الدم لا العيش بيشبعنا ولا السم

مش باقي فينا غير القهر والندم المتعاص بالمر

لو فينا شويه جلد علي عضم بلاش يغرقوا مع عبارات السلام بلاش يتنسفوا مع بيوت المقطم

دي النخوه ضاعت مع من ضاع والبنت سابها راجلها تتباع وتبيع نفسها عشان لقمه

ليه يابلدي قسيتي علينا لا انتي ارتحتي ولا اتهنينا

ويقولك ام ؟؟؟ ام مين لا مؤخذه دي عايزه واعظ يوعظها كام وعظه

او شيخ يأدنلها في ودنها ويوشوش بصوت عالي ويقولها

ماتوا ولادك وما لبستي السواد

ماتوا وضاع خلاص وقت الحداد

وقبل متحاسبيهم حاسبي نفسك

خدوا منك ايه غير ميه نيلك المتلوث بدمهم

خدوا ايه غير رغيف عيش بايت اقل من حقهم

حياتنا ياامه كلها طوابير ما يقف فيها الا الفقير

ليه بتاخدي منا كل جميل وتسيبلنا مالذل كتير

بلدي غنينالك مواويل وانتي غنيتي علينا

غمينا عنينا عشان نمنعها تشوف قساوتك فينا

بلدي ارحمينا وان كنا مش ولادك اتبري منينا

يمكن لو بقينا اغراب تعرفي بالخير تعاملينا

اوعي في يوم تعيبي علي اجيالك مهي بسببك خابت

وخاب املهم فيكي

مش باقي غير شويه خير في نيلك في ارضك في ناسك

سامحيني بس مفيش ام بترضع ولادها الهم

وليه بعد مكنتي سعيده بقيتي بتشعي غم

صوتي اتنبح في نداكي لم تسمعي الندا

ليه الشر فيكي اصبح حقيقه مؤكده

ليه الغلابه ملو كل حته فيكي وبقيتي كانك طفله مشرده

ضيعتي احلامنا في مدارسك المتحجره

كسرتي اقلامنا بسلطتك المتبعثره

واحنا ياعيني علينا غلابه

يقولولنا احتجوا نقول عيب دي ماما

ولحد امتي ياماما تردمي ايامنا بطمي نيلك

تمسحي احلامنا بموج بحورك وريش طيرك

تشطبي اسامينا من علي سورك

لو مش ولادك اتبري منينا بس كفاياكي قسوه وذل فينا

لو مش ولادك اطردينا يمكن ساعتها نلاقي ام تانيه تحن علينا

سامحيني سامحيني

بس مفيش ام بترضع ولادها الهم .......... مفيش ياامه

ليه يابلد

انا بس دلوقتي عرفت معني اغنيه ايمان البحر درويش وهوه بيقول( يابلدنا يابلد هوه من امتي الولد بيخاف من امه لما في الضلمه تضمه )
ياخساره يابورسعيد ياخساره
لازم يخاف منها لما يلقيها في الضلمه بتخنقه بتكتم نفسه بتمنع عنه الهوا والحياه
حد يقولي لما ارجع بعد خمس سنين في اسكندريه لبلدي بورسعيد اللي كنت بحبها اوي وراضيه بكونها صغيره ومازال فيها جزء متخلف ارجع الاقيها بقت خرااااااااااابه . وكل دا ليه عشان مجموعه من المستثمرين الكبار قرروا انهم يحولوها لمجموعه من القري السياحيه اللا منتهيه وكل دا ايه ياناس علي قفا اهلها للي مش عايش في بورسعيد احب اقوله انها محافظه جميله علي البحر المتوسط وفيها قناه السويس اللي بتوصلنا بالبحر الاحمر وانهم بدل ميستغلوا موقعها المتميز قفلوا البحر ليصبح قاصرا علي (اللي معاه والي معهوش ميلزموش) محدش متخيل القهر اللي انا فيه لما اسيب بلدي من خمس سنين ببحر ارجع القيها من غير بحر ياريتهم ردموه كان اسهل لكن للاسف البحر كله قري سياحيه لمن يمتلك المال قري محدش بيدخلها اصلا لان بورسعيد مفيهاش اثار ولا مناطق سياحيه عشان حد يعد فيها اكتر من يومين. يقدروا يقولولي المسؤلين بيبنوا القري دي لمين ؟ ولمصلحه مين؟ مصلحه مين ان البحر يتسد انهم يسدوا علينا جوا البلد الميه والنور عشان قله قليله من البشر هتدخل القري دي
حتي شاليهات المحافظه اللي كانت بأجور ذهيده وكان اهل البلد بيأجروها في الصيف اتهدت قال ايه مبقاش شكلها حلو عشان يتبني مكانها قري برضه وبعد مكان الشاليه دورين ونبقي من جوه شايفين البحر جت القري اربع وخمس ادوار عشان تسد كل حاجه علينا زي منكون ملناش حق نعيش في بلدنا تخيلوا لما تصحوا الصبح تلاقوا كورنيش النيل مش باين من الابراج والنيل بقا قاصر علي ساكني الابراج دي .دا ظلم دا اجحاف لا وايه حتي شارع طرح البحر اللي كان مليان مطاعم وكافيهات مختلفه الاشكال والالوان هدوها كلها لانها اخده مساحه تصلح لبناء قريه سياحيه حسسوني اني في شرم الشيخ وعملوا مجمع مطاعم في مساحه لا تتعدي تمن المساحه الاصليه ولموا فيه كل المطاعم والكافيهات اللي مبنيه من اول مالبلد اتعمرت وطبعا ايجار مول المطاعم الجديد غالي وبيطلع علي الناس اللي بتروح تاكل هناك ليه بيخربوا كل حاجه حلوه في بلدي حتي ديلسبس ياناس شالوا منه الحديد وردموا الميه تحته ليصبح ديليسبس متحجر بعد مكنا واحنا اطفال نعد علي الحجر بتاعه ونشوف تحتينا السمك بيجري في الميه بقا دلوقتي تعد عليه وتشوف بلاطات ومحلات قال ايه عشان لما السفن ترسي السياح ينزلوا يشتروا وللعلم السياح عندنا لا يغادروا ظهر المركب او السفينه الا علي الاتوبيس اللي هياخدهم علي القاهره او شارم او خلافه كأننا مرض معدي هنقتل السياحه وهنضربها يعني اصلا السياح مبيدخلوش جوه البلد ولا بيعدوا المينا يبقي محلات ايه بلا نيله...................
البلد خربت ماتت ماتت وبقولها بالمعني الحرفي بلدي ماتت بلدي اللي كنت بحبها بلدي اللي كانت بتفضل صاحيه مبتنمش بورسعيد اللي كانت فاتحه محلتها اربعه وعشرين ساعه بقيت توقع فيها الابره الساعه 11 ترن علي الارض من كتر مشوارعها فاضيه وتجارتها نايمه
بلدي ماتت مش بتحتضر زمن الاحتضار عدي وفات ومحدش مديلها ايد بلدي خلاص ماتت ومبقتش بلدي مبقتش بورسعيد اللي كبرت فيها بقت مسخ
انا عايشه في بلد مسخ بلد للي معاهم وبس بلد القري السياحيه برغم عدم وجود سياحه بلدي اللي كان كل شاب بيشتغل فيها بقي كل شبابها عاطل مش لاقي حته يروحها ولا حاجه يعملها طبيعي انه تكتر فهيا السرقه والقتل بعد مكنا معتبرينها اكتر بلد امان في مصر ويقولك هنعملهم بدائل هيا فين البدائل فين مشروع توشكي اللي اتصرف عليه ملايين فين مشروع شرق التفريعه الي كان مخصص لاهل بورسعيد فين الصناعه الي قلتم هتنموها ياجماعه احنا بلد تجاري من يوم متخلقنا ازاي تحولوها بلد زراعي وارضها ملحات غير صالحه للزراعه وازاي بلد صناعي وانتم بتهدوا المصانع اللي داخل كردون المباني والله انا مش فاهمه حاجه يعني قفلتم علينا التجاره ومتنفعناش زراعه ولا صناعه ولا السياحه ماشيه يبقا بقيلنا ايه نعيش منه باقي للبلد ايه يابشر مخلاص كله راح كله ضاع كله اتكسر والفضل لكبار المسؤلين والفضل لكبار المستثمرين احب اقولهم مشاريعكم فاشله ومش هتدخلكم غير الخساره لان اهل البلد مش هيدخلوا القري دي غير في المناسبات والسياح مبيدخلوش البلد اصلا اموت واعرف عاملينها لمين ؟
كل حاجه حلوه في بلدي هديتوها تحت شعار السياحه المختفيه اصلا
ياجماعه ارحمونا ارحموا اللي باقي منا ارحموا تاريخنا ارحموا ناسنا الكبيره الست العجوز تيته والراجل العجوز الحاج ارحموهم من انهم يشوفوا بلدهم الجميله مسخ حقير مبيستفدش منه غير ناس تتعد عالصوابع والباقي يموت يموت الشعب ويحيا المسخ
حاليا متمشيش في اي شارع غير لما تشوف الزباله عايمه في الشارع
حاليا الدنيا بقت ضلمه اوي بعد مكانت كل الشوارع نور
حاليا بقت بلد محبش اسكن فيها
بدل متهتموا بهدم كل ذو قيمه وبناء ما ليس له قيمه نضفوا البلد نضفوها رجعوها للي كانت فيه رجعوا ضحكه اهلها بدل مكل واحد بقا ماشي مش بيفكر غير في الاكل هياكل ايه وبكام ومنين حرام عليكم ارحموا من في الارض ارحموا شعب بورسعيد من خططكم الفاشله من تقفيل البلد كفايه تخنقونا اكتر من كدا كفايه حرام

بلونه بيضااااااااااا

بنت صغيره حلمت يوم
حلم بسيط مش متعالي
حلمت لما تقوم مالنوم
تلقي مزاجها اصبح عالي
ومفيش للحلام اسوار
تشرق شمس جديده عليها
تملا حياتها بالافكار
نونو صغير ضحكه بر يئه
لون بحر وسما وخضار
تنزل مطره تنقي الدنيا
زي الدمعه بتمسح حزن
كل الكون احلو في ثانيه
والشخابيط دي نوع مالفن
حلوه الدنيا بس نعيشها
زي مفيها دمي اتصفي
فيها اوقات الدم يحن
فوق السطح فيه ولد واقف
بطيارته الورق كان فارح
كان متواضع جدا جدا
عمره مبص لحد بقرف
البنت كانت اخت الولد
ومن سعادتهم قلبي انسعد
الضلمه لو بتريح عيني
النور في عنيهم اريح
بلونه للكل فيها مطرح
تطير تقع من غير متجرح
وحياه مليانه الوان
لعب وورود وسوبر مان
ان جت يوم فيه عنيا تئن
القي ضحكه طفل ترن
لما الدنيا بتضحك اضحك
وان جت تبكي اديها ضهرك
صوره اختي في قمر الليل
حبي لامي واقول مواويل
حتي اخويا في زعله اصيل
اما الحزن ياناس كفايانا
كتر الحزن يهد الحيل
بنت وولد كانوا اتنين
صبحوا تلاته وبقوا ملايين
حب الدنيا وهيا تحبك
وان جت يوم تغدربك اجري
كله يلف وانت الدغري
عشها بسيطه زي مهيا
امسك مج واشرب ميه
طير مالفرحه وحب كمان
واوعي تنام وانت زعلان
حب حياتك اهلك ناسك
والبلونه الي حبساك
اخرج بره قيودك واعرف
الدنيا لو مش مامتك تبقي باباك

خدعوك

ايها المخدوع الضعيف اتصدق ما تسمعه من الثناء
انك لا تعرف ما تريد وتتخيل ان لديك قدر من الذكاء
واغربتاه انسيت من انا ام لا تذكر من كثره الاسماء؟!
احببتني يوما غابرا قبل ان تتقلب بك الاهواء
كنا نحيا ببعضنا وننتظر المواعيد ووقت اللقاء
عشنا الحياه الي ان تحولت عن حبي لتفعل ما تشاء
اصبح وعدك لي هزل وكلماتك مثل كلام الشعراء
منذ متي تعلمت الكذب منذ متي تعلمت الادعاء
مات الشوق بيننا وانتحبت كل ما بيننا من اشياء
لم اعد استشعر بعينيك النسيم و توقفت عن تنفس الهواء
اقتلعت حنيني اليك ولم تحاول العوده الا للافتراء
يامن اعطيت له الدنيا لم اخذ منك شيأ سوي الهباء
اطوال الامد تخدعني اانا احمل هذا القدر من الغباء؟
خدعوك بانك عظيم وما انت الا بحصي في وعاء
اذهلني ما بك من بريق وما تواري به نفسك من بهاء
يالك من تعس ضئيل في الارض كنت او في السماء
وهذا ذمبي فيمن وثقت وهذا ما حصلت عليه من جزاء
مت عطشا ايها العليل فلن امنحك قطره ولا شربه ماء
لا اراك اانت خفي ؟ واين تعدادك ابين الموتي ام الاحياء؟
حسبي ربي لن اسامح ولكل قدرعند ربي حكم وقضاء
قد يلقي بك في اليم غريق او تتعذب جوعا وتتوه في الصحراء
لن يساعدك احد ولن يسمع لك صوتا او يلبي لك نداء
حارب حتي نفسك وقد تتناثر وتصبح اجزاءك اشلاء
تدور في دائره لن تحيا سعيدا لا سراء ولا ضراء
اتقول اني خاسره احكمت نفسك شيخا في دار الافتاء
في كل الاحوال لياليك لن تري عينك فيها سوي البكاء
وتذكر وقتها ايامي وما كان لي من بهجه وغناء
لتبلي مثلما يذبل الزهر وكما المسير في جنائز العظماء
ينفطر قلبك علي ما فاتك وتشكو زلك لاجدادك القدماء
لتعرف معني الالم وتعبر عن الاوجاع كابلغ البلغاء
وتنتهي ككاتب لوجيعه او ملحمه مثل روايه البؤساء
لن يختلف عليك اثنين ولن تجتمع حولك الاراء
لا تلين مشاعري حولك لن يجدي ما تصدره من نوح ورجاء
كالطيرلا ياخذ من الندي الا كما ياخذ من الغني الفقراء
عش عابثا كن هازئا تعس وان تجمع حولك الابناء
انت لا شفاء لك وكيف لي ان اعالج المرض بالداء
كن كما تكن وكما تريد وانعم بالحياه وسط مجموعه من التعساء
لا تنتظر نهايه مفرحه فانت من اخترت حياه البغاء
يامن اعتقدتك حدائق الفاكهه ما انت سوي ارض جرداء
ولن تنل ما تمنيت لان نهايتك دوما حمقاء

صوت من بعيد

اخاف ان اخونك او ابيعك او تضيع فما احبك ولا اتحمل لك العيش في السقم
وما انا بلهيب النار لاحرق قلبك وما انت بحطب لتحترق وفي النار تضرم
صوتك من بعيد يناديني ببكاء ولا استطيع تلبيه نداءك ولا حتي ان ابتسم
تجهش بالبكاء اغفر لي علي الصغير ان يشب وعن امه ينفطم
لا تعيًني قاضيا علي حياتك لست انا للقانون دارسه ولا انت بمتهم
لا تذهب الي مكان زرناه معا لا تردد لحنا سمعناه معا لا تذكرنفسك بالالم
زهرتك انا اذبلتها سامحني اعطف عليا وزل احساسي بالندم
بحر غريق اخشي عليك الهلاك يلقيك هنا وهناك الي ان تصل الي العدم
يالها من ماساه ومعاناه فوقها معاناه لا تتمسك بطرق مسدوده نهايتها النار والدم
لا تكن احمق وتحارب نفسك تدلل علي حبي لك تذكرالحقيقه ودع الكلم
ان قلت افتقدك اصبح احبك ؟ الا تستطيع ان تعيش دور الصديق بغير ندم
صديقي لسنا في حرب اتنتظر ان امتطي الجواد واشهر سيفي لانهزم
لم يعد لقيس وليلي مكان هاهنا وان كان فليس انت قيسي ولا انا ليلاك فلا تصطدم
فلتراعي ما بيننا ودعني بسلام تخاف علي حزني فلا تجعلني اريك منه الاجم
اصارحك بما في قلبي بوضوح ولم تر مني خديعه ولا مكر ولا لؤم
ابعد عينيك عني فالدنيا مليئه بالنعم ودع كل منا يعيش حياه المحترم
كن كريما واتركني بغير ذنمب تعودت دوما انك اهل للكرم
حب بلا مقابل هو الضيع في جحيم بغير رحمه او مغنم
لا تنهي حياتك علي من لم تحبك ولا تجعل امالك بيديك تتحطم
علم نفسك من جرحك ولا تضع جهلك علي راسك كمن باخطاؤه يتعمم
اجعل حبك لغيري طريق ولتظل احلامك امامك تتجسم
دعني اسير وسر انت في طريقك ولا تعيش في خفاء كالملثم
لماذا تترد في الحديث بماذا تريد اخباري لماذا عندما تراني تتلعثم؟
انا البحر في احشائي والنار في انفاسي والفلك تجري في قلبي المتيم
عجيب ان تدرك ان حبي لك وانه ليس هنا وغريب الخطأ عليك ايها المتعلم
اتريد التمسك باي حب يجرحك انك تفني حياتك وتجعل نفسك هرم ينهدم
عذابك ليس دواؤه عندي فلم اطلب منك غرامي ولكن اجعل حياتك تنتظم

اقل من دنياك

سلام علي عقل بلا تفكير سلام علي قلب توقف عن الدق
اتري هل يعيش اخرته بلا احساس ولا نبض وخفق
اكل هذي الحياه هباء اكل الوعود حبر علي ورق
يعدو علي مهل وتأني هو يخشي الا يحيا ان سبق
مولاي ضللنا المسير فارشدنا اليك فانت من خلق
هاهنا نرقد عاجزين سويت سمعنا رعدا ونظرنا برق
لم يعد لديه عليها هما الا كيف يفنيها طغيانا وحرق
كيف لنا الحب وهذا حالنا وقد انقسمنا شعوبا وفرق
اين السبيل في هذه الدنيا وقد صار الظالم صاحب حق
الم تشرب من عسلها فاليك العذاب وطعم المر ذق
تهت في ظلماتها وجذبتك ظنونك بين غرب وشرق
غابت شموس كثيره وانت ابكم تخاف حتي النطق
ضاع الضمير واحسرتاه علي كل مااختفي في العمق
تأبي الرجوع وقلبك اسير وتخاف حتي عليه من العتق
اخترت السواد وبه توشحت وتخليت دوما عن قول الصدق
ليس لك غايه ولا دليل وليس لك بدايه وليس لك عرق
اانت تعلم ايها المكابر ربي اغفر له وحرره من ذل الرق
فان استجاب فله النعيم وان لم يكن فليس له الا ان يشق
انت احق بدنياك تحياها لكن ربك بدنياك واخرتك احق

حرام ام حلال

عندما تكون وحيدا رغم كثره المجاميع
عندما يصبح الصوت مبحوحا والقلب وجيع
عندما تتوه في نفسك فلا تجد غير الصقيع
عندما تحرم من نبضات القلب وتعيش دور الشجيع
حرام ام حلال
ان تحب الموت وتكره الحياه
ان تظل ايامك ولياليك مليئه بالمعاناه
ان تبكي عيناك امطارا ولا تنبس بنبت شفاه
ان لا تعلم الغايه من عذابك اهي شقاء ام هدف النجاه
حرام ام حلال
تظن انك تعلم من انت ولست انت سوي صدفه في عمق البحار
تظن انك الافضل ولا تلبث ان ترتطم امانيك علي صخره لتنهار
تظن انك صبي وقد شاب قلبك فلا تعلم الفرق بين الخمود ولهيب النار
تظن ان الحياه متاعا واين لك المتاع وانت بلا جاه ولا سلطه ولا افكار
حرام ام حلال
حرام ام حلال
لياليك سوداء يجافيك فيا النوم
لياليك ليس معك فيها سوي نفسك وما تلقيه عليها من لوم
لياليك كثيره متشابهه تخشي اشباحها منك ومن عبادتك في صلاه وصوم
لياليك طويله ساعاتها بطيئه وخطواتها ممله فلم الانتحاب وما سر سياده جو الشؤم
فسوف اعود للحياه يوما وابتعد عن معاناتي وانسي ضياع احبابي احقق ذاتي واتذكر تعاستي فقط وقت النومولا لوم لمن لا يريد اللوم

قصه خائن

هل يتركني زماني بعد ان وعدني بالاماني بعد ان وعدني بالقصر يرمني لاجد نفسي وسط الصخر هل هذا هو الوعد ام انه وهم الغد لا اعلم هل احلامي كبيره ام اني لااستطيع ان اصل اليها ام انها هي التي ترفض الوصول الي هل من البد ان يكون الانسان تعيس ام انه يسعد لكي يتعذب بآلام السعاده هل يجب ان توجد دائما شوكه في عنقه حتي يشعر بالبؤس والشقاء الدائم ام انه لايستطيع الحياه بدون هذه الشوكه لا اعلم ولكن رب الم شوكه اخف من جرح حبيب او غدر صديق او الم يأتي من الطبيب

ولكن انتظروا لماذا انا ؟ لماذا دائما انتظر الغدر لماذا دائما لا اري الفجر هل الغدر سهل المنال ام الفجر امر محال هل الياس اصبح لي فجرا والغدر اصبح لي خللا أي خليل انت الذي يفعل هذا بخليله أي خليل انت لتطعنني في قلبي لاغدو مجروحه ابد الدهر أي خل يرمي بخليله في بئر لا لا لا ما انت بخليل ليس انت سوي فارس عليل لم تكن سوي نذل وضيع جعلك عقلي امير رفيع وما انت في هذه المكانه ولا تستحق الا الاهانه ..............علي ما فعلته بي فصرت احلم في الصحو فلا افرق بين الصحو والمنام احيانا احلم بقربك وايامنا الخوالي واحيانا احلم ببعدك وكيف لي ان انتقم منك كيف انتقم ممن جعلته روحي واسكنته جفوني وطيبت به جروحي وعوضت به كل ماضاع مني كيف تخيلت ان الزمن يجازيني بينما كان يعاقبني كيف تصورت يوما انك لي فارس وانت تنظر لي كانني عروس من بين الاف العرائس كيف حسبت ان لي في قلبك مكان بينما كان قلبك متسع لكل من في المكان كيف تخيلت كل ما فيك تقنيه وتخيلت انت ان كل ماعندي تسليه لكن لا لا وعيناك لا انت بالفارس المغوار ولا انا بالعروس الخشبيه فلتتركني وتمضي في طرقك الذهبيه اللامعه الضوئيه لا اخشي سوي ان تذهب اضوائها ببصرك كما ذهبت بعقلك فلم تعد تستطع ان تفرق بين العروس الحقيقه وبين اللعبه الخشبيه اصبحت تراها جذابه فتجري ورائها حتي تعجز عن السير فتاخذ منها وقتا ثم تذهدها كالطفل الذي يذهد لعبته القديمه فيجري ويبكي ويصرخ للحصول علي غيرها ثم لا يلبث ان يتركها ويذهب لغيرها ولكن اخشي علي هذا الطفل غضب اللعب القديمه الذي نسي وفائها ونسي وقت كانت له مسره اخشي ان تنقلب اليه بالمضره ويالهول لعبه جديده مدمره تاخذك فلا ترجعك الا فتات لتعلم وقتها ما كان وما فات ولكن هيهات فلن تستطع ان تعيد ايا من الذكريات فقد ذهبت جميعها وسط الافات ولم يعد منها سوي الشتات ها انت ذا لا تشعر ابدا بالندم ولا تري نفسك مخطأ لا تري نفسك سوي ملاك فابعد عني بربك لا استطيع النظر الي وجهك لا اري فيه سوي الفتور بعد ان كان يسطع منه النور النور الذي تخيلته انا والعظمه التي وصفتك بها انا ولكن انت لا تستحق سوي الشفقه فانت لا تريد ان تعطي كل ما تريده ان تاخذ ولن تجد من يعطيك بعدي سوف يسلبون منك حتي دماءك دون ان تشعر فقد فقدت الاحساس منذ فقدتني فقدت معني الحياه فقدت العظمه فقدت ان تكون فارس فما كنت فارس الا بنظري وها انت الان لم تعد سوي حبه رمل في وسط الاف الحبات تحاول الوصول للسفح الاعلي ولكن ما تلبث ان تقع لانك لا تري لانك لا تشعر سوي بما تحب انت لانك تعجز ان تسعد الاخرين وتريد فقط ان تسعد نفسك تخشي ان تصرح لاحد بحبك فياخذه ضدك او يخذلك تخشي ان تفشل ولكنك حتي لم تحاول اثرت الصمت اثرت الصداقه او اختبئت ورائها وقد وافقت ولكن وجدتك مهرج من الممكن ان ترتدي الاف الاقنعه دون ان تتاثر في الصباح تاتي مرحبا بصديقتك وفي المساء تفتقدها كانها حبيبتك وعندما سالتك من انا لم تجب اتدري لما لانك اجبن من ان ترد فاصبحت ترد علي سؤالي بسؤال وتقول مثلما اقول حتي لا تقع في المحظور وها انا قد سئمت من لعبه القط والفار سئمت دوما منك الفرار سئمت من سؤالك عن الحال وانت ادري مني بالحال وجميع الاحوال بخلت ان تقولها حتي سئمت انا من انتظار سماعها فلم اعد اود ان اسمعها او انتظرها سئمت وجه المهرج الذي لاتستطيع ان تحدد اهو يضحك ام يبكي والاكثر انه متعمد تشتيتك سئمت التلاعب فاذهب بعيدا عني ماذا تريد الان مني هل تريد ان نعيد الكره لا فقد كسرت انت بيديك تلك الجره فما كسرته انت لا يمكنني اصلاحه دعني اسير في طريقي انا اعلم انت هنا فقط لتثار لكرامتك لتدري لماذا تركتك انا ولم تتركني انت اولا كما تعودت ولكن اطمانك فقد احسست بفقدانك منذ لقائك لاني رايت في عينك الاف العرائس والتي تمد ايديها لتاخذك بعيدا عن طريقي فلتكن سعيد لانك انت الذي تركتني منذ البدايه وليس انا فلتكن سعيد لانك استطعت جرحي فلتكن سعيد لانك سلبت مني فرحي فلتهلل فرحا بالنصر ولاهلل انا بالشكر نعم الشكر لك علي ما علمتني اياه علمتني كيف احتقر نفسي كيف اندم يوما اندم لانني عرفتك ذات يوم علمتني الكثير فشكرا لك وحمدا لله انني استطعت التخلص منك ولكن هل بالفعل تخلصت منك فلتسعد دوما لانني لن انساك ولن انسي هجرك او لقاك لن انسي ملامحك او ما تحبه وما قلته لن انساه فكل كلمه تفوهت بها في ذهني تتردد دوما ستظل معي تحميني من أي مثيل لك انت انت يامن ظننت انني احبك ولكني اكتشفت انني لم اكره سواك انت خرجت الان من حياتي ولن تعود الي نهايه الدهر امل من امنياتي لانني محيتك من الاحياء ووضعتك في تعداد الاموات نعم لقد مت يوم ان خدعتني يوم ان سرت وانا معك تنظر لغيري يوم ان اوهمتني انه ليس هناك سواي في الوقت الذي اوهمت فيه اخريات بانهن فقط الاوليات وانك في حياتك ما احببت ولكن صحيح كيف لمثلك ان يحب او يعرف للحياه معني فلتظل دوما محب لنفسك ولتذهب مع الزمن لتجرح اخريات تحت شعار الصداقه وتتركهن وهم لا يدرون اانت فعلا اعز صديق ام اقرب حبيب ام الد الاعداء فلتنتظر انتقام احداهن فيك ولن اشمت فيك ولكن دمعي يسيل للعطف عليك فما انت بامير ولكن انت مريض واسير!!!!!!! اسير عقلك الجريح وقلبك الصغير فالي اللقاء ايها الفقير ولكن انا تعلمت منك الكثير فشكرا لكل من طعنني لان الالم يقوي القلب ويعلم العقل ما لا يعلمه الحنان شكرا لاني لم اشعر معك يوما بالاطمئنان شكرا لانك علمتني انه لا يوجد حب في زمن الاوثان ولا توجد عاطفه في عصراليد الخاطفه علمتني الكثير ولكن ما انت بالامير ولن تكون سوي ما اردتك ان تكون وانا الان لا اراك سوي شخص مجنون احذر حتي لا يؤدي جنونك الي موتك وهلاكك ولن اقول الي اللقاء بل اقول لا لقاء يااحقر الاصدقاء
.............................................................................

اسامح!
كيف؟
لماذا؟
واسامح من ؟
انت .....هيهات بينك وبين السماح بلدان لا يعبرها انس ولا جان بحار وجدران بينك وبين الغفران انت يااحقر حيوان كيف اسامح من لم تسامحه نفسه من تركه ضميره يسعي ليزيد من الاخطاء ليزيد من الاوجاع وهل اسامح من باعني في السوق علنا وبالمشاع ؟

تغيرت ؟
كيف ؟
ومتي؟
وهل لي بأثبات ؟ كيف تتغير النار عن فعل الحرق وتتحول الي تطيب الجروح ما انت باابراهيم لأمن شر النار ولن تكون نوح كيف تحمل العواصف الحياه وتترك لمن؟ الموت والعصف ولمن بالكذب تبوح ؟

تحبني ؟
هل لي ان اضحك ملئ فمي ضحكه عاليه ضحكه عليك هي مليئه بالسخريه لم اعد كقديم عهدي فاذا اتيت انت وثمانيه تثبت حبك فلن تقابل غير الكراهيه هل لي ان اصدق من كان عهده النفاق ووعده الكذب وحياته الغش واللوع وعقله وقلبه مليئين بالجشع والطمع؟

نعود؟
نعود لماذا الي أي طريق ؟سرنا في طرق كثيره فلم اعد اتذكر في أي طريق تريد ان نسير هذه المره الاخري ؟ فلم نكن احباب ولم نصبح اصدقاء واجتنبنا ان نكون اخوات فالي أي شيء نعود الي المجهول ام الي الهوان والوجه الزلول

هل تقول ان اسعد ايامك كانت معي؟
غريب امرك ياانسان الم تشعر بهذا الا بعد الفقدان الم تشعر بالسعاده الا بعد الم الحرمان الم تشعر بان بين يديك شيئ يضيع الا بعد ان اضعته واشعرته بالهوان لم اعد استطيع ايها البهلوان لقد كانت اجمل خدعه في حياه الاحزان ولن تتكرر ولن تعود كي تبدا من جديد ما انهيته انت بالكفران


نعم تعودت ان اكره نعم تعود ان لا اثق نعم تعودت ان لا احب فلتفخر بنفسك فانت من عودني انت من علمني شكرا يامعلمي لازال جرح عصاك علي يدي يدمي

لن تنساني ؟ انك واهم فلن تلبث ان تقع في حب جديد ينسيك نفسك وحياتك ويشعرك ببهجه العيد ولكن احذر ايها الوليد فسوف تحتاج فيما بعد لهذا الجرح المديد وتفتقد من ابكاك وتنظر الي جلادك بسياطه كانه حبك الوحيد عد ادراجك خائبا بيدين من نحاس وقلب من حديد فلم تكن ذات يوم بصاحب قلب يدق او نبض او تنهيد

مين ؟ مش واخده بالي!!!!!!!!!

لو حد قالك الكلمه دي هتحس بأيه؟ حد تعرفه كويس اوي تلاقيه مش عارفك او انت مش عارفه -
الناس في الدنيا مش مجرد صور الناس معادن يارخيصه (يانفيسه ) نفيثه يامتحوله
-زميل عزيز ورفيق الكفاح بالكليه المحترمه اكيد عارف نفسه دلوقتي وهوه بيقرا الكلام دا قد ايه انسان محترم ومثقف وذو فكر عالي (طبعا دا اللي عايز تسمعه ايوه انت متبصش وراك) هوه فعلا انسان كويس بس فيه مشكله واحده بس الانا العليا والانا الوسطي والانا الصغري والانا ثم الانا مش هتكلم في علم النفس لكن هتكلم عن ناس انا عرفتها وفرحت بمعرفتها وناس عرفتها وندمت اني عرفتها
-زميلي العزيز انا افخر بمعرفتك برغم عقده النرجسيه اللي انت فيها صحيح ياجماعه هوه مش اناني بس بيحب نفسه مين فينا مبيحبش نفسه ؟ بس مش انه يمدحها طول الوقت صح ياباشا بس تعرفوا هوه فعلا احسن حد انا عرفته بس عشان انا معرفش كتير هاهاهاهااها اظن كدا ارضيت غروره بما فيه الكفايه بس علي الله متقريهاش لكل الشعب المصري وتتنفخ لحد متفرقع حلو اوي اننا نعرف قيمه نفسنا لكن وحش اننا نؤمن اننا الاحسن لان ديما بيكون فيه الاحسن مننا حلوه الثقه بالنفس. تخيلوا انا نفسي يكون عندي نص ثقه زميلي في نفسه

بالنسبه للناس ممكن تيجي في يوم تبص لهدومك وتقول انا ازاي اشتريت الهدوم دي انا اكيد كنت عبيط اوي ساعتها
الهدوم زي الناس فيها اللي بيفضل جديد الغالي الي تمنه فيه وفيها الرخيص بس لذيذ والغالي اللي ملوش اي شكل ومتعرفش بينتجوه ليه وايه سر غلاه رغم ردائه شكله وفيها الرخيص تمنا ووظيفه
الصعب انك تعرف كل الانواع فس نفس الوقت فتكره الرخيص الخسيس والغالي المتعالي وتدور علي نوع مش موجود مبينزلش السوق يالي تمنه فيه يالرخيص الذيذ
ازاي حد يسيطر عليك ويحولك من حاجه غاليه لحاجه رخيصه وازاي عقولنا بقت حمير متساقه بكرباج وياريت اللي بيسوق احسن منك دا حمار زيك ويمكن اكتر حموريه بس يمكن لابس اشيك
من امتي بنحكم عالانسان بلبسه وشكله وظروفه الاجتماعيه وعلاقته بالناس ياما ناس شكلها حلو ومن جوه وحشه اوي
مشكلتي في الدنيا ان علاقاتي محدوده لكن عرفت كل الانواع يمكن عندي نوع من الغباء الاجتماعي لكني بعتبره ذكاء يمكن مش عايزه اعرف ناس كتير واندم علي معرفتها بس بقول لكل حد كويس مقابلتوش انا اسفه اني منتبهتش لوجود انسان اسفه لاني كنت خايفه اعرف الحلو يطلع وحش

ازاي تعرف حد سنين ويتقلب في يومين هيا دي المشكله يتحول من صديق لعدو يتحول من حد بترتاحله وتحب تتكلم معاه لحد متطقش تسمع صوته ازاي يبقي عكسك في كل حاجه وشايفك غلط وانت شايفه غلط هوه شايفك معقد ومقفول وانت شايفه رخيص وغير مسئول ازاي يشوف كل ايد بتمد لمساعدته انها شر وحد بيكرهه

سؤال مهم ليه محدش بيقبل النقد ويحاول يصلح من نفسه ليه بيحاول يأكد انه كدا بختياره؟ ليه بنفخر بالغلط مع علمنا انه غلط؟
لو حد خسر صاحب وصديق بيعزه اوي هيفهم كلامي

ياصديقا كنت عونا ليا بالحيات كيف تحولت وصرت رسول للممات
من هذا الذي قتل المشاعر بداخلك وتحولت القيم الي اشتاء وفتات
حال التغير بيننا وزهور صداقتنا تاهت ضائعه بين نيل وفرات
فقدت احساسي بحبك منذ نسيت انت ما كان بيننا ما مر وما فات
مرت سنوات العمر امامي وانت فيها واقف بلا حركه في ثبات
احاول ان ايقظك فلا تبالي بوجودي وصار بكائي مجردصيحات
لم اعد احتمل الحياه وحولي انقاضك ولا املك سوي حسرات
ضاقت بيا كل السبل وتظن عتابي لك هراءات وادعائات
ليس بيدي حيله سوي البعد فانت غير من عرفت هيهات
كيف تعود الروح لنقائها وتحيا فيها الرقه والانسانيات
اذا لاقيت صاحبي بالله عليك ذكره بانه لم يترك لي الا الاهات

نرجع مرجعونا للمعادن وحلقه جديده ووسط الجمهور

النهارده هنسال السيد مسؤل وزاره الوزارات عن موضوع المعادن وان الناس بتختلف في معادنها تبع اشكال تربيتها واللي اتعودت عليه والصراحه سيادته فدنا جدا واكد سيادته علي ان المعادن في مصر كويسه وحلوه وبنت حلال وقاربت علي الانتهاء وصرح سيادته انه سوف يتم عقد صفقه مع الاتحاد السوفيتي السابق والمافيا الروسيه لاستيراد المعادن علي اختلاف اشكالها وانها بعد كده في المستقبل القريب ان شاء الله سوف توجد في متناول اليد للجمهور متوفره في اكياس حاليا بالاسواق شريط جديد لحاتم فهمي ...........ااقصد شريط جديد من المعادن عشان اي حد يحب يغير معدنه الدنيئ يشتري معادن السيد المسؤل الي صرح انه تبع اتفاقيه الجاد او الي مجتش هتلغي كل الجمارك اللي علي اكياس المعادن المستورده واللي هيتكتب عليها صنع في مصر رغم انها مستورده ولما سالنا سياده المسؤل في النقطه دي وضح سيادته مشكورا ان احنا هنجبها في براميل من بره واحنا اللي هنعبيها في الاكياس المستورده برضه ودا طبعا عمل ومجهود جبار تحت اشراف فريق العمل الاجنبي والخبراء الاجانب اللي استوردناهم........... ااقصد تعاقدنا معاهم من اجل الاشراف علي العمال المصريين والي اكيد في وسطهم عمال اجانب (اصل ياحرام غلابه الاجانب عندهم بطاله عاليه ومرتب العاطلين مش بيكفي الا يادوب ايجار الشقه والاكل واللبس طب يعيشوا ازاي يموتوا من الجوع مثلا ..........عشان كده تفضل سيادته بتعينهم قبل العمال المصريين تضامنا مع الشعوب الاوروبيه) اه كنت بقول المجهود الجبار اللي هنقوم بيه عشان كده هيكون من حقنا وضع كلمه صنع في مصر علي اكياس الشبسي ............يوه اقصد اكياس المعادن .........هو احنا كنا بنتكلم في ايه اصلا ؟؟؟؟؟؟؟؟؟؟؟ااه اه افتكرت الناس معادن اقصد اكياس المعادن المصنعه في مصر وفي النهايه بنشكر سياده المسؤل اللي اتعطف واتكرم واتلطف وساب البسين مخصوص لمده 5 دقايق عشان يعمل معانا الحوار العظيم ده والذي لن تنساه البشريه وبنشكر حضرتك انك طمنتنا علي مستقبل النفوس البشريه ....ااقصد الاكياس المعدنيه ..........يعني مستقبل الصناعه المصريه اللي مبقيناش نخاف عليها ابدا من يوم مسيادته مسك وزاره الوزرات وهي وزاره التربيه والتعليم ............
ونلقاكم في حلقه جديده من حوار مع مسؤل والحلقه القادمه ان شاء الله هنستضيف السيد مسؤل الاعلام لكي نتحدث في مشكله صعوبه الامتحنات في المراحل ما قبل مرحله الروضه ...........الي اللقاء علي راي اخونا اللي قالوا مهو (من كل لون يابطيسطه)واللي ملوش مسؤل يجيب اي مسؤل حتي لو مبيفهمش في البطاطس ......يعني هي الناس اللي خلاص بتفهم اهو هبل في الجبل وكله عبط في عبط وشويه هبل بيضحكوا علي شويه معاتيه

ايه اللي بيحصل ؟؟؟؟؟؟؟؟؟؟؟؟؟؟؟؟

اعزائي المشاهدين اهلا بكم في نشره الثالثه
نبداها بعوده الرئيس بسلامه الله من الاراضي الاسرائليه بعد رحله استمرت سته اشهر لدراسه مشكله انقراض الحوت الازرق وقد صرح سيادته باهميه اتحاد مصر مع الشعوب الاوروبيه للقضاء علي انفلوانزا القطط وقد اعلن مسؤل من وزاره الخارجيه ان المرض قد وصل الي قطه السيد الرئيس الامر اللذي اقلقه وتوجه سيادته مباشرا صوب اسرائيل لاجراء المباحثات اللي اثمرت عن استبدال قط سيادته بقط سيامي يهودي اصيل من نوع mb4

وننتقل الان الي الوضع في الاراضي الفليسطينيه ومعنا مراسلنا مروان ابو خيشه اخ مروان ما مستجدات الوضع لديكم بالارض المحتله
والله اخت سلمي الوضع هنا لا يبشر بالخير

· فوسط الصراعات الداميه وخاصا بعد اهداء امريكا الجندي الآلي لاسرائيل واللذي يقوم بجميع مهام الجندي البشري من قتل واهدار للدماء وخلافه من المعتاد لاراحه الجنود الاسرائيل قررت فلسطين رفض الدعم المقدم لها من الدول الشقيقه واللذي يحوي احدث الالات الحربيه والمعدات واعلنت انها لن تغير من اسلوب مقاومتها وان الحجاره هي الطريقه الوحيده لانهاء الاحتلال وان استخدام اي اسلحه اخري يعتبر تخلي عن المباءئ و الاصاله وتدمير لقوانين حقوق الانسان وقانون الحرب مع اسرائيل وانها سوف تحارب بالاحجار حتي اخر حجر في القدس ولذلك قرر كبير المفوضيه الاسرائليه بعد ان سائه حال الفلسطنين استيراد شحنه احجار وطوب تصل كميتها الي 500 مليون طن من الدول المختلفه مساهمه منه في مساعده الشعب الفلسطيني وحتي تكون الحرب متكافئه بين الطرفين في الوقت نفسه اعلن مسؤل الحركه الشعبيه الفلسطينيه عن ضروره تغير علم فلسطين ليحل محله العلم الجديد فيه رمز الحجر والجندي الالي مروان ابو خيشه قطاع الاخبار التلفزيون المصري فلس.....طين

وننتقل الان من الوضع في الاراضي المحتله الي العراق ومعنا عبر الهاتف الاخ خليل ربنا يديله العافيه اخ خليل ما الوضع عندكم في العراق :
· والله اخت سلمي ليس الوضع باحسن حال من الاراضي المحتله فبرغم كل الانفجارات المدويه في جميع ارجاء المدينه الي الان الا ان اميريكا قد اعلنت وقف اطلاق النار منذ ثلاثه ايام بالرغم انها هي من تتطلق النيران الا انها تقول انه دفاع عن النفس ضدد الهجمات الارهابيه التي تستهدف المواطنين الاميريكين في العراق لزعزعه العلاقات بين الشعبين الشقيقين اميريكا والعراق وقد اعلن مسؤل سياسي تخين المستوي ...ااقصد رفيع المستوي ان اميركا لم تحقق غايتها من العراق بعد وان خطط التنميه اللتي اعدتها اميريكا لاعمار العراق وتنميته والتي نراها جليه واضحه لم تحقق بعد كاملا وانه تبعا للخطه التدميريه ااقصد الخمسيه القادمه سيتم هدم جميع المنشات في البصره وبغداد لزعم المسؤل انهم يريدون توحيد شكل المباني الجديده وسوف يرفع عليهاالعلم االاميريكي ان شاء الله فور بنائها وانه لمفخره للعراق ان تشهد تنميه شامله علي يد الولايات المتحده الاميريكيه وقد صرح المحامي المتولي الدفاع عن الرئيس العراقي المخلوع صدام حسين انه سوف يتم تبرئته من جميع التهم المنسوبه اليه( وانه هيخرج منها زي الشعره من العجين ان شاء الله) واعلن سيادته علي ان الشخص الذي تتم محاكمته الان ليس بصدام الحقيقي وانه دوبلير وان صدام الحقيقي مازال حر طليق بعيدا عن ايدي امريكا وقد اذيع ذلك في شريط صوره صدام الحقيقي في احدي المنتجعات السياحيه في مكان مجهول الهويه وقال فيه ان الشعب العراقي كله صدام وانه ما ان يتم معاقبه هذا الصدام المسجون سوف يظهر صدام جديد علي الفور وفي نهايه الشريط (طلع لسانه لاميريكا وقالها طظ) مما اثار غضب القوات الميريكيه وصارت تبحث في جميع الاماكن الممكن تواجده فيها الا ان نتائج البحث بائت بالفشل ولم تسفر عن جديد ونحن هنا في البصره في انتظار نتيجه استفتاء للشعب العراقي عن رايهم في زياده عدد النجوم في العلم الاميريكي الي 105 نجمه من هنا خليل ربنا يعطيني العافيه قطاع الاخبار لجمهوريه مصر العربيه البصره.
· شكرا اخ خليل وننتقل الان الي باكستان والعراق والتقرير الاتي من مني عبد المسيح عن الاوضاع هناك وقد اكدت مراسلتنا انه لم يعد هناك اي اخبار جديده بهذا الشان حيث ابيدت هذه البلاد نهائيا ولم يعد لها اي مكان علي الخرائط الحديثه وانه سوف يتم انشاء دوليتن امريكيتنين في هذه الاماكن وان ماتبقي من حيوانات تسكن المنطقه تم وضعها في معتقل جوانتانمو علي انها تابعه لتنظيم القاعده وتم استجوابها واستخدام جهاز كشف الكذب واكدت نتائج التحليل الاوليه علي بلاهه مكتسبه من الاشعاعات النوويه وعدم قدره الكائنات تلك علي الاجابه علي اسئله الخبراء الاميريكين مما ادي الي خوف القيادات الاميريكيه وقرار محكمه العدل الدوليه باعدامها جميعا لتصنيفها جواسيس من دول معاديه هذا اخر التقرير شكرا
·
· ننتقل الان الي الاوضاع الداخليه وقد افتتح صباح هذا اليوم السيد محافظ القاهره مستشفي الكلب الجديد والمدعم من الدوله واعلن انها تم انشائها في عشر سنوات فقط وتحت مساعدات اجنبيه واكد سيادته ان المستشفي مستعده لاستقبال جميع الحالات التابعه لمستشفي المواساه وذلك بعد اربعه اعوام من تاريخ الافتتاح حتي تكون المستشفي استعدت من الناحيه الطبيه
· وتم تحت رعايه السيد الرئيس وضع حجر الاساس امشروع عملاق واللذي لم يحدد بعد ما هو او فيما يستخدم ولكن سيادته اشار الي اهميه التعاون الدولي والمحلي في مواجهه الارهاب العالمي وان مسيره التطور سوف تسير بخطا واسعه( لارج سيز )لا محال
· في ظاهره غريبه جديده من نوعها ولد طفل بسته ايادي وقد اعلن الدكتور المشرف علي ولادته انهم عالجوا جينات الطفل حتي يستطيع مواكبه العصر السريع فولد بسته ايادي لكي يمارس جميع المهام التي تسند اليه وهو مصمم خصيصا لاداءالاشغال الحكوميه الروتينيه من كتابه شكاوي والرد عليها واعلن الدكتور وفريق العمل انه من المنتظر تعديل هذا الطفل بآخر احدث منه يملك12يد وله خواص اخري منها عدم وجود عقل حيث وجد الاطباء انه لا جدوي منه في مثل هذه النوعيه من الاطفال ذات القدرات الروتينيه وسوف يتم توظيف هذا النوع في مكاتب استقبال الشكاوي لسماع الشكاوي واخراجها من الجانب الاخر

ظاهره اخري من غضب الطبيعه حيث بينما العالم وجزر سونامي تغرق في السيول والامطار والصواعق والبراكين واحتراق الغابات في العالم هنا في مصر وفي حادث اليم ومروع اصيب اثره 5 اشخاص حيث سقطت شجره مليئه بلبطيخ المهجن علي العائله اثناء تناولهم الفسيخ في احدي الحدائق العامه واللذي اسفر عن الاصابه بجروح غير خطيره علي الاطلاق حيث كانت شجره البطيخ الجديده لا تزال تنمو تحت اشراف فريق عمل مكون من مهندسين زراعين واطباء ومدربين دوليين للاشراف علي نمو الشجره السليم حتي تعمم في جميع حدائق مصر وبعد هذه الفاجعه الوحيده من نوعها قرر المسؤلين ازاله الشجره من جذورها ووضعها بالمتحف الحربي كاثر من اثار الحرب العلميه وسوف تتاح مواعيد مخصصه لزياره الشجره المذكوره وتعلن مسبقا

حادثه اخري حيث سقوط عماره في احد الاحياء الفقيره في القاهره وقد كانت العماره بنايه حديثه تم تسكينها قريبا مما ادي لحدوث العديد من الخسائر الماديه والبشريه وقرر المسؤلين معاقبه صاحب العقار والمهندس القائم عليه حيث لم يتم البناء تبعا للقوانين ولم يستخدم في البناء اسمنت اسيوط واستخدم اسمنت قنا مما ادي الي وقوع العقار وتم اصدار احكام مشدده بدفع غرامه قدرها 50جنيه علي الفرد المتوفي وشراء شكارتين اسمنت الاسيوط لترميم العقار كانت هذه اخر الاخبار المحليه.


والان مع النشره الاقتصاديه ويقدمها الزميل مينا برولس التاني عشر
في نشرتنا الاقتصاديه اليوم ارتفاع الدولار بمقدار100%وانخفاض الجنيه المصري في البورصات العالميه وبورصه مصر والاسكندريه بمقدار85% وهي معدلات لم يسبق ان حدثت في التاريخ من قبل
اما عن سوق الاوراق الماليه فارتفعت اسهم الشركه المصريه للاتصالات وموبينيل والو وفودافون ودجاج كنتاكي ومؤمن للاغذيه لتسجل اعلي ارتفاعات لها في السوق الماليه
اما عن مصر للصناعات الغذائيه والصناعات الالكترونيه
والصناعات المعدنيه فقد انخفضت فيها الاوراق الماليه
واقفلت اليوم ورقتان ماليتان من فئه 100 جنيه
واقفلت شركات اسمنت اسيوط وشركات البترول المصريه وشركات الغزل والنسيج وجميع شركات مصر او المساهمه المصريه
اما عن سعر الدهب اليوم فقدانخفض سعر الدهب الي 800 جنيه الجرام
والي هنا انتهت نشرتنا الاقتصاديه شكرا للمتابعه

من جديد في اليوم العالمي لحمايه الفار الابيض تحدثت مسؤله حمايه البيئه بالولايات المتحده الاميريكيه عن اهميه الفار الابيض والرمادي والاسود والبني في المجتمع واهميه حمايه هذه الانواع النادره من الانقراض ولذلك ارسلت مصر طائرتين محملين بافئران الرماديه والسوداء الي اميركا مع مجموعه اطباء محترفين للعنايه بهم في السفر وذلك لحل ازمه الفئران وانقراضها ويتم الان تهجين السلالاه البيضاء الاميريكيه الاصل بالسلاله الرماديه المصريه لانتاج سلالات رماديه فاتحه او بيضه مبقعه رمادي وذلك لتفعيل الصداقه والاخوه المصريه الاميريكيه

اما عن النشره الجويه فتنقلها لكم الاخت ميمونه

اعزائي المشاهدين نحيط علم سيادتكم ان الجو غدا ان شاء الله ممطر وعاصف وتوجد شبوره فعلي الاخوه المسافرين اخذ الحذر وتخفيف الملابس اما عن اليوم فالجو حار حار حار علي العاصمه ومحافظات الوجه القبلي والبحري مع وجود امطار حامضيه علي ساحل البحر الاحمر وامطار مش حامضيه علي الساحل المتوسط
اما عن حالتي البحر الاحمر والمتوسط
فارتفاع الامواج يزداد في الصعود حيث يصل ارتفاع الامواج في البحر الاحمرالي100متر مما يعوق حركه الصيد والملاحه
اما عن الامواج في البحر الابيض المتوسط فيصل الي 200 كجرام مصحوب بالرمال الاتيه من شبه الجزيره الهنديه

وتقابلنا غدا رياح شماليه جنوبيه شرقيه غربيه اتيه من نيوزيلاندا والنرويج تؤثر علي مصر العليا ووسط الدلتا
اما عن السحب فاكثرها منخفضه الي متوسطه تثير الضباب صباحا وتسيطر علي المناطق الجنوبيه من مصر وقاره افريقيا
بالنسبه لدرجات الحراره المتوقعه اليله وغدا باذن الله فبيانها كالتالي


البلد
العظمي
الصغري
القاهره
55
20
الاسكندريه
20
2.3
شرم الشيخ
70
0

كفر الشيخ
84
5
بورسعيد
30
30
سوهاج
22
-5
حلايب وشلاليت
00
-0

اما عن درجات الحراره في باقي الدول العالميه فبيانها التالي

البلد
العظمي
الصغري
العظمي
الصغري
العظمي
الصغري
العظمي
الصغري
الصغري
المغرب
2
1
ليبيا
3
22
طرابولس
العظمي
الصغري
300
5

الولايات المتحده الاميريكه
-000000000
00000000
باريس
20000
00030
لوندون
3345536
256485
صفت اللبن
2-5
066


الي هنا سيداتي آنساتي تاتي نهايه نشره الثالثه الي اللقاء بعد اقل من خمسه دقائق
اعلانات ونواصل

المهم ان الاخبار مبتخلصش وخصوصا الاخبار الوحشه مفيش اكتر منها
موجز الانباء
توفي الي رحمه الله السفير المصري في الاراضي العراقيه والاراضي الفلسطينه وقد اصر المسؤل انه لن يرجع السفراء المصريين الموجودين في باقي دول النزاع اما يقوموا بواجبهم او يلقوا حتفهم دونه
عاد الي ارض الوطن سالما الاستاذ نجل السيد الرئيس بعد رحله علاج علي نفقه الدوله استمرت ثلاثه اشهر لتنظيم اسنانه في لندن
وقد اعلن سيادته بعد العوده ان الاستقبال كان حافلا في لندن وخاصا عند زيارته لديزني لاند واكد علي ان سفر الكبار للعلاج في الخارج ما هو الا تفعيل للعلاقات المصريه الاوروبيه وان الدولارات التي تنفقها الدوله في علاج كل من هب ودب من قرايب الناس الكبيره مبترحش هدر وان كلها بتتصرف في حجات مهمه وممكن نكمل اخبار النهارده بكره الصبح عشان الوقت ازف والديك ادن والمفروض ننام ربع ساعه عشان نقوم نقول العناوين وبعدين نشره اليوم الجديد عمتم مساء اقصد عمتم صباحا

علي جمب لو سمحت؟!!!!

هنتكلم النهارده عن الموضه يعني الجديد اللي بيمشي وراه كل الناس
كانه دستور مع انهم مبيمشوش علي الدستوردا بالعكس بيحبوا موت
يخالفوه زي ميكون العدو الاول للدوله يعني القانون يقول شمال كل
الشعب وامه لا اله الا الله تمشي طبعا بدون شك يمين يقولوا
يجماعه اربطوا الحزام وانتم بتسوقوا كل اللي عنده حزام يروح
يشيله يقلك حزام ايه ياعم اللي يقيدني المهم ان الدوله اتعودت علي
كده وكمان الشعب فالشعب قرر يسيب الدوله تقول اللي هي عيزاه
بس علي شرط يعمل هو كمان اللي هو عيزه واللي دائما وابدا بيكون
عكس الدوله مبتقول وزي مالشعب قرر كده الدوله كمان قررت
تعمل اللي هي عيزاه بغض النظر مش عن وجهه نظر الشعب وبس
لا عن وجود الشعب اساسا عشان كده الدوله عملت نفسها عبده
العبيط علي الشعب وتصرفاته فكان لازم الشعب هو كمان يعمل عبده
العبيط عن سرقه الدوله وقوانينها وكل طرف منهم فضل انه يسيب
الطرف التاني يعمل اللي هو عايزه ويعمل نفسه مش واخد باله وكل
واحد شاف ان
كده احسن له عشان يكبر الطاسه ويريح الانفوخ علي راي الناس
الهييسه القديمه المهم ان موضوع الشعب والدوله دا ملوش نهايه
والمشكله ان الدوله مفكره الشعب غبي والشعب مفكر الدوله فاهمه والاتنين الحقيقه غلطنين بس نعمل ايه الدوله خدت علي سرقه الشعب واستهباله والشعب خد علي عدم اطاعه اوامر الدوله واستهبالها وبقت دي الحاله الوحيده الي بيلف فيها عبيط علي اهبل بدل ملفوف علي ملفوف المهم ان الدوله تتبع مبدا( انما الاعمال بالنيات ولكل امرئ ما نوي) وبصراحه هي نيتها خير ان شاء الله عشان كده محدش له حاجه عند الدوله لان تبع المثال ده المفروض نعتبر ان المستشفيات اتبنت والمناهج اتصلحت والاتوبيسات فاضيه والناس مرتاحه ومفيش سرقه ولا اي مشاكل والمرتبات والمعاشات زادت وفاضت وغطت وديون مصر خلصت والشعب المصري عنده اكتفاء زاتي وبيصدر (بيصدر الطارشه طبعا ) والحياه بمبي والدنيا ربيع والجو بديع والشعب لما لقي الموضوع كده فقال هو كمان يتبع نفس المنهج هو كمان اعتبر انه بنيته بيادي شغله علي اكمل وجه وبيعمل اللي عليه وزياده وبينفذ القوانين بالحرف ومفيش احسن من كده شعب انتظام ايه وانضباط ايه ونظافه ايه وبكده يبقي الاتنين خلصوا زمتهم من ربنا ومحدش عايز من حد حاجه ما علينا المهم في الاخر ان المشكله دي ملهاش حل لان كل من طرفي النزاع مبسوط باستعباط الطرف الاخر ومعتمد علي نيته في عمار البلاد والحمد لله عشان كده قررنا نقفل الموضوع ده ونرجع للموضه وعلي راي المثل مجنونه ياقوطه الموضه كمان مجنونه النهارده فرو الكلب بكره شعر الحمار بعده لا فرو ولا شعر ولا لبس خالص يعني موضه بقي .؟ وطبعا بنشوف العديد من النماذج المشرفه الي تتبع الموضه وهي عميا او مغمضه العين بغض النظر عن هتناسبهم ولا لا عشان يبقي الشاب الروش وتبقي البنت الموديرن الهاي كلاس والشيخ يرجع شباب ويبقي موضه ويلبس الاحمر والاصفر والاورانج ما علينا من اللون بس السنه دي موضه الكلب او الحمار او الزرافه او اي حيوان اليف او غير اليف هنشوف البشر مشين بالزي الرسمي للحمار من اعلي الراس الي اخمص القدم وطبعا محدش يقدر يتكلم دي موضه واللي عملها فنان .............. ومش بس فنان لا عظيم كمان...............
المهم (رزق الهبل علي المجانين) هنشوف الفرو في عز الصيف عادي ونشوف الناس من غير هدوم في الشتا برضه عادي مهي موضه واحلي حاجه فيها انها مبتعتقش كبير من صغير بنشوف التخينه لابسه الضيق وشبه الشوال المتدحرج والرفيعه برضه لابسه الضيق زي العصايه الممصوصه ومحدش يقدر برضه يتكلم دي موضه ياجماعه والي هيمشي مخالف للموضه هيتقال عليه دقه قديمه ومش استايل فازاي يتقال عليه كدا لا ميصحش نروح نلبس الحجاب علي الموضه ومعاه الميني والميكرو جيب مهي موضه طب نعمل ايه بس نلبس بوت نص كم وهو كله ماشي التخين يلبس فاتح فيزيد تخنه والرفيع يلبس غامق ويزيد نحافته وكله ماشي والعزاء واجب علي فرو الكلب والحمار والفيل اللي ضيعوا مستقبلهم علي لا شيئ والمنتفع الاول والاخير بيوت الازياء ومحلات الملابس الروشه والمولات وكمان بياعين الروبابكيه مهي بعض بيوت الازياء بتطلع احدث صيحات الروبابكيه العالميه ويمكن دي الحاجه الوحيده اللي بيجبوها من مصر لانها متوفره بكثره وفي الاخر تبقي للموضه السياده علي عالم الشباب بلا عقول بل افواه مفتوحه وجيوب مثقوبه وشراشيب وكله موضه *موضه وربنا يخليلنا المصممين العالمين ويزودوا صيحات الموضه الهبله اقصد الرائعه اللي بتلهي الشباب عن المشاكل والقضايا وكل حاجه في دنيتهم ويفضلوا طول السنه مستنين احدث الجيبات والشرابات وشرايط عمرو دياب واحنا يعني عيزين ايه غير ان شبابنا يكون مرتاح ومكبر الدماغ اصلنا منحبش نكبره قبل سنه ولا نشغله بمواضيع تافهه متهموش علي الاطلاق ولا تاثر علي مستقبله خالص عشان كده قلنا نشغله في حاجه مفيده زي الموضه وشرايط عمرو دياب وعلي فكره سمعت انهم هيغيروا طريقه الامتحان وبدل ميبقي فيه جيولوجيا وعلم نفس وكمياء هيبقي فيه اختيارات في الشريط اللي كل طالب حافظه من( علم قلبي الدين) ( لكمل كلامك عن الفزياء )(للقلب الطيب وضغط الدم المرتفع ) وطبعا كل متجيب شرايط اكتر فرصتك في النجاح تكبر واهي فرصه تجيب فلوس وبيقولوا ان وزاره التربيه والتعليم متواطئه مع شركه عالم الفن وقناه روتانا عشان كده في امل الموظفين بالتربيه والتعليم مرتباتهم تزيد لو خدوا قرصات في حياه عمرو دياب وايهاب توفيق ولو انتشر التعليم ده اعتقد هتنهض البلد وتقاوم كل المعوقات والتحديدت دا غير ان الطلاب هتهيص دا اكيد ونناشد المسؤلين باسراع بتغير المناهج للتيسير علي الطلاب وحدوث تطور في عقول الطلاب في جميع المراحل ..............

خماسيات رحاب هاني في شكوي الزمن والتطور بالمعاني

هيا مش خماسيات ولا حاجه بس انا قلت علي وزن رباعيات صلاح جاهين يعني بس اش جاب لجاب طبعا دي مجرد اراء ومش لازم تكون صح

الي انا حاسه بيه دا ميتوصفش كانه العيد الكبير وانا الكبش ياناس حرام عليكوا ارحموني استاهل اعيش انا ولا مستهلش وانا لما افكر كتير بلاقيها كدا ولا كدا عندي متفرقش

الكون كله اتفق علي غدري و خداعي وان حبيت افرح القي الفرح ملوش داعي وايه يسعدك ياقليله الحيله وانتي في قمقم فيه حقد جماعي راعيتي ناس كتيره وانتهيتي علي يد ناس لم تراعي

يازمن الفلوس والحشيش واه علي كل عقل شاب في الزحمه تاه حزني علي الي راح مش هيرجعه لو حتي نهق عليه حمار وقال حاه


كان فيه زمان اميره بتحلم تعيش مع حبيبها لو حتي علي حصيره حلمت كتير ولكن احلامها عليها كانت كبيره ولما صحيت من النوم بكت اصلها لقت حبيبها خد كل حاجه حتي الحصيره

قالولي اتعلمتي ايه مالدنيا قلتلهم عيشه ضنك وناس فانيا قلتلهم طب ايه الحلو فيها قالوا ان كل حاجه كدب وحتي الحقيقه بتختفي في ثانيه

قال ايه الزمار بيموت وصوابعه بتلعب لا مات الزمار ولا لقي حاجه بيها يلعب وادي احنا عايشين بس عشان نتعب وفي النهايه لما حد يموت تلاقي محدش استغرب

سمعت حكمه بتقول الامل في الشباب طب واللي قالها عرف ان الشباب شعره من اللف شاب وكل يوم نحسب الحسبه نلاقي مستقبلنا مابين عواطليه او مرضي اكتئاب


والله يامه مغلطت ولا كنت خطيه وكل اللي حصل اني حلمت بعيشه منتهي الرفاهيه سفر وشوبنج وشغل من غير سيره فول ولا طعميه لقيت الكل بيضرب كف علي كف ويقول ليه هتاجري في المخدرات ولا هتنزلك الميه دهب مالحنفيه

شباب الجامعه دا تحفه بجد بيس وكول وصد ورد خلصت ايام الجامعه فوقوا احسن كل اللي اتبني بيجي وقت يتهد

فرحتي بيك وانت مسقط بنطلونك ولابس تيشرت مهوش علي لونك هي دي الروشنه يارجاله شكل وخلاص راح زمن الجدعنه دا حتي عيب علي عرضك وعلي طولك

زي مكان الهرم معجزه وكل واحد بيحلم بمحفظه بقي كرسي فاضي في الاتوبيس وقت الظهريه قصه فاكسه ولا متحلم بيوم من غير خناقه مابين الهوا الملوث وشوارعنا الي محتاجه مكنسه طب هناكل عند مؤمن ولا ماكدونلدز استنوا استنوا انا نسيت اني مفلسه

كل سنه وانتوا طيبين لا بقينا نزرع بلح ولا تين بس متقلقوش هنستورده بضعف التمن واللي هيستفيد ناس تانين ارضنا الخضرا بنينا عليها وهنستصلح الصحرا وادي ودن طين وودن من عجين


ياكلب سيب القطط تعيش اصلها مش فران مؤذيه ولا فرخه هتقصقصلها الريش مش هتبقي سيد لما يموت عبيدك وكفايه بقي زل وتطنيش مش كل حاجه مينفعش ومفيش

حمله تحديد النسل شغاله الي كل شاب وطفل وكهل واللي محتاج اعاله احنا لاقين ناكل نفسنا ياعم بطل ثقاله واللي عنده قرطه عيال يسربهم كل يوم واحد في كيس زباله

ياما قلنا الناس معادن وكنوز وادينا لا لقين ناكل ولا فيه مكان فيه ندوس فضلت الناس ومفيش فلوس واللي معاشرهمش هوه اللي بالبخت محظوظ


اهدو شويه ياشويه ديابه عايزين ايه احنا مش في غابه كله بيبص علي فوق وتحت ومش خايف لا من عقاب واحنا ياعيني غلابه ولا احنا نصابين ولا افراد في عصابه ليه بس قسيت علينا يابابا احنا لسه ولادك ولا انت اساسا مش فالنقابه

مين في حياتنا دي مغلطش مين اتمني يوم ميعش مين من جلده وهدومه في عز الغضب مطلعش واما يقول زهقت حرام يقولوا من ايه اما صحيح جحش

الحب دا بحر ملوش قرار مليان قرب وبعد وشوق وفرار وتقول انا بحب يوم ويوم تكره ولا حد يعرفلك حقيقه ولا اسرار وانت مين علمك ومين قلك انك اصلا تقدر تختار

في يوم ماشيه لقيت ديب له صوت عالي غشيم وكئيب قالي ارجعي لاكلك قلتله اه خوفتني خوف رهيب لو كنت قادر تكالني مكنتش حذرتني ولا كنت قلتلي دا عيب متخفش من حاجه لانك مهما خفت قدرك هيحصل هيحصل ولو مات بدل منك حد عنك غريب

ماما قالتلي يابنتي خدي بالك الدنيا كبيره محدش هيحبك قدي ولا تودي حد زي ودي الناس وحشه يابنتي واللي توديه لله يفتكرك لسبب تاني بتودي

ليه مت بس يابابا وسبتني وحدي في دنيا غابه امشي يمين ولا شمال ومين يخاف عليا ولا ليا ضهر اتسند عليه وبقالي سنين بدور للفرح علي بوابه ياتري حظي في الدنيا كبير وهيطلع حظي فيكي يادنيا ملك ولا كتابه


تعيس الرجا حتي لو كسبت المليون وفين تروح من بختك ويروح فين منك ياملعون ويوم ميجيلك الحظ ترفصه اه يامجنون

مش عايزه اعمل حاجه وكل منام بقوم مالنوم لاانا عارفه اكتب ملحمه ولا ناجحه حتي في طبق اليوم ايه تعملي يابنتي وانتي علي ارض من غير نجوم وكل مقول لحد عيب يقولي انتي عليكي اللوم

معذره.........

معذره
فلقد كان بقلبى لا بعقلى
التفكير .

معذرة ....
فلقد كانت الاحاسيس مقيده
والقلب اسير

معذرة .....
فربما كان الظلام هدوء
لكن النور احلى بكثير

ولماذا معذرة ...
فالحق احق ان يتبع
والعقل فى الحياه امير

ورائ عقلى ان اتنحى قبل
ان القى فى السعير

فجسدى لا يحتمل الكى بالكلمات
وعينى لا ترضى الهمس
الحقير .

وقلبى يداويه العشق الصادق
او ربما تداويه
العقاقير .

نعم .....
لقد كنت فى قلبى يوما
لكن القلب للعقل صغير

وكان لك بقلبى دنيا
جدارها الماس
وفراشها الحرير .

وبعيدة عن اى حقيقة
وغريبه حتى عن الاساطير .

معذره فقد خسرت ما ليس بالقليل
ولم تعد انت سوي هذا الفارس العليل
معذره لن اسمع بعد اليوم من الموسيقي غير العويل
معذره لقد تحول الحزن الي قصائد ومواويل
معذره اصبح اليوم الكي بالنار لي كضوء القناديل
معذره فليس لي الا الصمود والصبر وقيل لي ان الصبر جميل
معذره نسيت من انا وما اكون ولااتذكر سوي وضعي الذليل
كانت حياتي لك مرتع وكنت انت ذئب بلا عويل
كنت لي مكانا وحياه وبلادا ليس لها سبيل
كان لك عندي من الاوامر ما يستحق التفعيل
كنت الاول بغيرمنازع وبلا استخدام لاساليب التفضيل
فاذهب لقد كنت بلا عقل وكان القلب لك كدموع سقطت في منديل
معذره لقد كنت لي السماء والارض ولكن ربي عليك وكيل

ولم المعذره انها نهايه بدون معذره